دعمت الإعلامية بسمة وهبة الفتاة “دينا هشام” صاحبة أزمة المايوه التي منعت من نزول حمام السباحة لإرتدائها مايوه شرعي.
وجاء ذلك أثناء تقديمها لـ حقلة اليوم من برنامجها “90 دقيقة” المذاع عبر قناة المحور قائلة: “عايزة أقول لك ولكل بنت تعرضت لأزمة زي أزمتك محدش وصي على حد. إوعوا موضوع زي ده يأثر فيكو وتقولوا إحنا في عندنا هجوم”.
وأضافت قائلة: “وإحنا غير مرحب بينا. على فكرة 90% من بنات مصر محجبات، مش عشان موقف نتأزم، واللي حصل ده موقف فردي. كل اللي يهمني النهاردة كل محجبة تمشي مشية شامخة. إرفعي راسك وإفخري بنفسك وبحجابك، وإنت مش مضطهدة أبدا”.
وكشفت دينا هشام عن امنية تتمناها، خلال مداخلة هاتفية في برنامج 90 دقيقة قائلة: “اتمنى ان يصدر قانون بمنع وجود لوائح داخلية تمنع دخول المحجبات إلى بعض الأماكن”.
ولفتت إلى أنها تقدمت لعمل انتر فيو في إحدى صالات الالعاب الرياضية، ورفضت، وشعرت بأن الرفض كان بسبب الحجاب، لكن ذلك لم يوضح لها بصورة مباشرة من قبل جهة العمل.
تفاصيل منع فتاة محجبة من نزولها حمام السباحة بسبب الحجاب
نشرت الفتاة بث مباشر لها عبر صفحتها الرسمية بموقع التواصل الاجتماعي فيس بوك، وروت في تفاصيل ما حدث معها، قائلة: “انهاردة قررت ان اروح انزل البسين مع واحدة صحبتي في بالم هيلز، وكنت بحضر حاجاتي وبلبس المايوه بعدين لاقيت ماما بتقولي خلي بالك ممكن يكونوا منعين المحجابات، ومش بيخلوهم ينزلوا حمام السباحة كدة”.
وأضافت قائلة: “المايوهات العريانة اوكية، انما الشرعي مينفعش، وصحبتي راحت سألت وقالولها سوري مينفعش تدخل كدة ليه كفاية قهر بقى، انا عمري ما حسيت في كندا ان حجابي كان مشكلة عايشة في كندا بقالي 10 سنين اول سنة ليا انزل مصر، عايزين بس نقلع ونشرب ونتكلم انجليزي وفرنساوي اوكية، انما نقبل ازاي ان البنات تغطي جسمها ازاي ياريت كفاية بقى وياريت نعقل بقى”.