فجر الفنان فاروق فلوكس تصريح جريء حول غيابه عن الساحة الفنية في الفترة الأخيرة، موضحاً أنه بسبب قلة العروض الفنية عليه وهذا يدل على أنه لم يكن ممثل قوي.
وقال فاروق فلوكس خلال حواره في برنامج القاهرة اليوم: بقالي 5 سنين مش بيتعرض عليّا أي أعمال فنية، وده دليل إني ممثل مش كويس، لأني لو ممثل كويس هيتعرض عليّا أعمال.
وتطرق في حديثه عن علاقته بـ فؤاد المهندس، حيث قال: فؤاد المهندس ده حالة خاصة بالنسبة لي لغاية ما توفاه الله كنت بحبه رغم المواقف الكتير اللي عملها معايا مش حلوة، مواقف كتير بس أنا هقولك واحد منها، كنت بشتغل في فرقة الريحاني بعمل رواية وبمثل بقالي سنتين الرواية والدنيا حلوة قوي.. جه قالي أنا هعمل رواية أنا وإنت وعوض وشويكار، وقالي خلص روايتك آخر أغسطس و1 سبتمبر هتكون معايا.
وأضاف: قولتله ازاي أسيب المسرحية دي؟ قالي هو كده أنا أستاذك وبقولك، وسيبت مسرح الريحاني وروحت عنده بناء على اتفاق إن أجري هيكون رقم معين، بعدها المؤلف تقاعس ومعملش الرواية أنا ماليش ذنب، إنت شيلتني من الفرقة وحاطتني عندك يبقى تديني مرتبي، إداني شهر واحد بس والشهر التاني صلاح يسري كان قاعد بقوله فين أجري؟ إداني ضهره، قولت لأستاذ فؤاد قالي ماليش دعوة، وطبعا أي حد مكاني كان هيزعل زعل الدنيا.