اشتكت عميلة لدى شركة توشيبا مصر من تردي خدمة ما بعد البيع، مؤكدة ان اغلب اجهزتها من توشيبا.
وينشر موقع «أوان مصر»، شكوى عميلة شركة توشيبا بغرض مساعدتها لتوصيل شكواها والعمل على حلها ويتيح الموقع مساحة للرد من الشركة في اي وقت لتقديم خدمة شاملة للعملاء وتصحيح الاخطاء والمشاكل التي تقع بها الشركة.
وجاءت شكوى عميلة توشيبا وفقا لما يلي:
«دي اول مرة اكتب بوست اشتكى او اتضايق من براند كبيرة زى Toshiba Egypt
واحدة زيي مثلا جايبة كل اجهزتى يا توشيبا يا تورنيدو وكلهم تابعين لنفس البراند وجبتهم وبكل ثقة دى براند كبيرة وعمرها ماهتبقا زى باقي البراندات
واول حاجة تبوظ مننا ونطلب قطعة غيار يقعدوا يمطوحوا فينا وكل شوية يبعتوا فنى يفحص وب اما يفحص اصلا يشخص العيب غلط لمجرد غلق الطلب ونتصل فيبعتوا واحد تانى
وكلمونا سألونا سعر الحلة للغسالة بتاعتك يافندم ٤٨٥٠ قولنا ماشي هاتوها مش مهم
بعدها بكام يوم بنعتذر يافندم اصل القطعة غير متوفرة …..
غير متوفرة هو انا شاريه من محل في الشارع
ازاى شركة كبيرة زى دى مافيهاش قطع غيار للاجهزة اللى بتصنعها
فانا المفروض اروح ارميها بقا واشترى واحدة جديدة علشان الحلة مش موجودة والاسعار دلوقتى غير ماشتريتها .
ولما حد من خدمة العملا يكلمنا ويقولنا في فنى تانى جايلك ونقوله هو كلةشوية فنى وندفع تمن الزيارة 125 جنيه يرد يقولنا الموضوع ده مع الفنى مش معايا ….يعنى انا بخاطب ضركة ولا فنى .
انا عاوزة حد يساعدنى او افهم ازاى مفيش قطع غيار …فانا كدة المفروض استودع بقا كل باقي الاجهزة اللى عندى من توشيبا
وانا مش معايا صور انشرها في البوست زى ماقواعد الجروب بتقول
بس معايا تواريخ كل شكوى وكل فحص جيه فحص الغسالة
Mohamed Mahmoud Elaraby اتمنى حضرتك تقدر تساعدنا في المشكلة دى
و شكرا ».