تحدث “عم حارث” العامل الشهير بالنادي الأهلي، من خلال استضافته في برنامج “جمهور التالتة” المُذاع على قناة أون تايم، عن تاريخه مع القلعة الحمراء.
وقال: “أكتر مدرب جه الأهلي وقريب مني هو مانويل جوزيه، بحبه اوي وكان بيحبني اوي”.
وتابع: “مانويل جوزيه له موقف معايا مش هنساهوله، لما كنا في ألمانيا الجو كان برد جدا وكان مقعدني جنبه تحت الشمسية عشان المطر، وكان بيخلي اللاعيبة هما اللي يجيبوا الكور لنفسهم”.
وأضاف: “أي صحفي بيحاول يطلب مني خبر خاص عن الأهلي، مستحيل اديله الخبر لإني مش جاسوس على النادي بتاعي”.
وواصل: “أنا صندوق اسود للنادي الأهلي، مستحيل أطلع اسراره بره لإني مش إبن حرام”.
وأكمل: “موسيماني رجل متواضع وطيب أوي، يمكن قريب من تواضع وشخصية جوزيه، عكس اللي مشي “فايلر”، كان متكبر”.