اشتكى عميل من شركة خاصة بـ أجهزة معالجة المياه، لتجربته المريرة معهم خاصة في خدمة ما بعد البيع.
وقال العميل إنه قام منذ عام بشراء جهاز لمعالجة المياه من شركة «Aqua Technology International» بسعر 5500 جنيهًا وأخبروه أنه سيتمتع بخدمة لمدة عام للصيانة وتوفير قطع الغيار بالمجان.
وأضاف: «يعني كل ٣ شهور لازم المندوب يجي يعمل الصيانة عشان متاثرش على حاجة في الجهاز، وبعد أول 3 شهور جالي مندوب الصيانة وعمل اللازم، والمهم فضلت 8 شهور اتصل بيهم عشان حد يجي يعمل الصيانة اللازمة محدش جالي، المهم بعد ٨ شهور يعني بعد فترة الضمان الشركة استجابت وبعتت الفني».
وتابع: «راح الفني طبعا كتب تقرير أن الجهاز محتاج عمل واحد واتنين وتلاتة يعني من الآخر الجهاز محتاج 2300 جنيها عشان الجهاز يشتغل ويعالج المياه، وأنا عديت السنة وخلصت الضمان، كلمت الشركة اكتر من 30 مرة وطبعا كله بيحدفني ع كله، وفي الآخر الشركة بتقولى منعرفكش ولازم تدفع عشان نصلحلك الجهاز».
ويتيح موقع «أوان مصر» حق الرد لأي طرف من الأطراف في أي وقت وعلى نفس المساحة.