تشهد حاليا بعض خدمات شركة فودافون تراجعًا ملحوظا في جودتها خاصة خدمة فودافون كاش الخاصة بتحويل الأموال بين العملاء.
وتتلقى خدمة العملاء في فودافون العديد من الشكاوى اليومية بدءًا من تأخر تحويل الأموال أو اختفاء الأرصدة لدى البعض الأخر، في ظل غياب من الرقابة على هذه الشركات .
يروي أحد العملاء مأساته بعد اختفاء رصيده من المحفظة الخاصة بـ فودافون كاش ، موضحا انه تم سحب الأموال من المحفظة ولم يستردها حتى الآن.
وقال عميل فودافون في بوست عبر مواقع التواصل الاجتماعي فيس بوك« فودافون اخدو فلوسي اللي فالمحفظة 3000 جنية و مش راضيين يرجعوها.. فودافون اسوء خدمة عملاء و اسوء محفظة الكترونية في مصر .. فلوسي و العمولة بتاعة السحب اتخصموا من المحفظة بتاعتي و مطلعوش.
وأضاف : «فودافون احرجتني قدام اهلي لما خرجت اسحب فلوسي من المحفظة بتاعتهم عشان احاسب على عزومة عملها و معرفتش احاسب و استلفت و خلو شكلي وحش في المطعم و الفلوس اتخصمت من رصيد محفظتي و مطلعتش
موظفين خدمة عملاء فودافون بيقول ان العمليه بالنسبه لهم تمت بنجاح و ان فلوسي المسئول عنها هو بنك مصر
بس مينفعش انا اكلم البنك لازم هما اللي يكلموه.
وقال : «فودافون و خدمة عملاء فودافون كلها مش عارفين يرجعوا حقي و كلهم هيعيدوا و ياكلو كحك و بسكوت و ياخدوا العيدية من فلوسنا اللي اتخصمت مني و احنا لا.
وأشار قائلًا « في مشرفة خدمة عملاء اسمها ايه اتكلمت معايا النهاردة بالشوكة و السكينة و قالتلي فلوسك مش هترجع النهاردة ولازم تستني 16 يوم و منعرفش هترجع امتي .. استنى لما يشغلوا فلوسنا و ياخدو منها عموله تاني.
وانهى عميل فودافون حديثه عبر السوشيال ميديا قائلًا « فودافون قالولي اخبط دماغك في الحيط .. فودافون قفلوا الخط في وشي 3 مرات».
وطالب العميل من إدارة الشركة بالاهتمام بشكواه والعمل على استرجاع أمواله في محفظة فودافون.