عمر كمال/ أثار تصريح مؤدي المهرجانات الآخير بشأن نتيجة الثانوية العامة الجدل، فقد هاجمه الكثيرين بسبب تحريضه للطلاب على أن يهتموا بالفلوس أكثر من العلم، حيث قال في منشور عبر “فيسبوك”:”جبت 90 %، جبت70 %، جبت40 %، الشاطر اللي يعرف يجيب فلوس ف الاخر”.
عمر كمال يعلق على انتقاد داعية شهير بسبب تصريحه عن الثانوية: انا مش بتاع مخدرات
وقد استفز تصريح عمر كمال الداعية الاسلامية علاء حامد، وقرر أن يرد عليه عبر حسابه الشخصي بموقع التواصل الاجتماعي “فيسبوك”، حيث كتب:”إيه رأيكم في هذا الكلام؟، إحنا محتاجين نضع تعريف محدد لمفهوم النجاح، اكتبوا لي… ما هو النجاح في رأيكم”.
ودعا له بالهداية، قائلًا:”ربنا يهديك ويتوب عليك يا رب، وربنا يرزقك من حلال، صدقني… إنت فيك خير كبييير قوي ويارب تسمع كل حد بيحبك وبينصحك وبيتمنى لك الخير.. وتترك الأبواب الحرام (الموسيقى والرقص والحفلات).. وتتأكد إن اللي عند ربنا أحسن بكتير.. والجنة غالية قوي.. وربنا مش حيضيع عبد رجع ليه.. حتلاقي ناس كتير بتنصحك في الكومنت هنا… الناس دي هي اللي عايز لك الخير بجد”.
سبب هجوم الجمهور على عمر كمال
ولم يمر المنشور على عمر كمال مرور الكرام، فقد علق عليه، قائلًًا:”يا شيخ علاء أنا بقول الثانوية العامة مش نهاية الدنيا.. أهم حاجة إنك تشتغل وتتعب وتحقق لنفسك عيشة كريمة وأكيد بديهى جدا هتكون بالحلال أنا مش بتاع مخدرات ولا إنسان وحش للدرجة ديه عشان الناس تعاملنى بالشكل ده.. كلنا بنتعب وبنشتغل عشان نجيب فلوس ونعيش عيشة كويسة في الآخر وده قصدي”.
ليرد علي مرة آخرى علاء حامد:”فرحان قوي بردك المحترم.. إنت إنسان طيب وأنا فاهم قصدك كويس.. بس إحنا فتحنا موضوع النجاح بشكل عام دون إساءة علشان كل الشباب يفهم إن النجاح مش بس فلوس.. ولو فلوس لازم تكون حلال وبشكل يرضي ربنا”.
وأضاف:”إنت عارف يا طيب إحنا بننصحك في ايه… أنت مش تاجر مخدرات وكلنا فينا الخير والشر… بس صدقني يا عمر شغل المهرجانات والحفلات واللي بيحصل في الحفلات والله مش حلال ولا يرضي ربنا…وهي دي نصيحتنا ليك يا طيب… والله بنحب لك الخير.. وأتمنى نتقابل مرة ونقعد مع بعض… ربنا يبارك فيك وفي والدتك الطيبة”.