أعرب مطرب المهرجانات عمر كمال، عن سعادته البالغة بظهور العديد من المسلمين في احتفالات العيد المجيد، مشيرًا إلى أن الشعب المصري عجيب لحبه للأديان الأخرى.
وذكر عمر كمال في منشور له عبر حسابه الشخصي بموقع التواصل الاجتماعي فيسبوك، قائلاً: بالذمه دي بلد حد يعرف يعمل فيها فتنه ؟!! عيد مسيحيين تلاقي المسلمين هجموا علي الكنايس و عمالين يزغرطوا، عيد مسلمين تلاقي المسيحيين أحتلوا الشوارع و سحبوا اللحمه و حلاوه المولد و عملوا موائد رحمن.
وأردف: شعب عجيب أحتار في تركيبته الكون كله و محدش قدر يفك شفرته، عموماً الستات اللي لابسين حجاب دول لو مطلعوش من شبرا بحق أصل بتوع شبرا دول تحديداً تحس انهم واخدين الأعياد من بعض وضع يد وراشقين في أي مناسبه.
وأختتم عمر كمال قائلاً: ربنا يديم الفرحه و المحبه و الخير علي بلدنا و أهلها و يبارك لنا في عمرك يا ريس.