أكد الإعلامي عمرو أديب، أن الزيادة في الأسعار التي تشهدها البلاد حاليا، ليست زيادات ناتجة عن الأزمة الروسية الأوكرانية متابعًا: “الغلاء اللي شايفينه دلوقتي ملوش علاقة بالحرب، لسه الغلا بتاع الحرب جاي”.
وتابع عمرو أديب خلال برنامجه الحكاية”، مساء اليوم الإثنين: “قبل ما أقول للدولة خفضي وأعملي تسهيلات؛ هل علبة اللبن اللي زادت النهاردة بعد ما الحرب تخلص هتنزل تاني؟ كيلو المكرونة السايبة زادت 3 جنيه هل هتنزل تاني؟”، متابعًا: “لو الأسعار مش هينزل تاني أقول ليه للدولة قللي أو اعملي واحنا عارفين في مصر أن اللي بيطلع مش بينزل”.
وأكمل الإعلامي عمرو أديب: “لو في حاجة واحدة بس الدولة تعملها بس تحل المشكلة، اضرب الاحتكار وده دور الدولة بالقانون، مينفعش اتنين أو ثلاتة يتحكموا في سعر سلعة”.