هاجم الإعلامي عمرو أديب الفنان محمد رمضان بسبب الأزمة الذي يمر بيها مع بنك cib ونشر رمضان فيديو عبر صفحته الرسمية بالإنستجرام، وهذا الفيديو اثار الجدل واستفز متابعيه والجمهور.
وعلق أديب خلال برنامج “الحكاية” الذي يعرض عبر قناة ام بي سي مصر الفضائية قائلاً: “رمضان حب يدينا انطباع انه مبيعزش اي حاجة على بلده وان البلد قامت الصبح مزنوقة في قرشين فقالت ايه ناخد من محمد رمضان”.
وتابع قائلاً: “البلد ملهاش دعوة بفلوسك والبلد عايشة من غير فلوسك والفلوس ديه يا محمد بتاعت الرجل وحق الراجل اللي مات الطيار أشرف أبو اليسر”.
وأضاف قائلاً: “ياراجل يا مفتري مش كنت تروح من نفسك تدي الفلوس لأهل الراحل أشرف أبو اليسر مش تستنى لما يتحجز على فلوسك والقاضي هو اللي يدي الفلوس لعائلة الطيار”.
وأوضح قائلاً: “بس رمضان مصمم ان الحكومة حطت ايديها على فلوسه وان البلد محتاجة فلوسه.. وهو ده اللي بتعلمه للناس انهم يشيلوا فلوسهم في البيت ومتشغلش البنوك عشان البنوك بتاخد الفلوس بتاعت الناس.. حرام عليك انت مش شايف حصلك ايه على مدى الشهر اللي فات اتقي الله”.
اقرأ أيضاً..
تعليق ناري.. أسرة الطيار أشرف أبو اليسر لـ محمد رمضان: «بتحب تعمل بروباجندا وخلاص»