انتقد الإعلامى عمرو أديب، ما تداوله مستخدمو التواصل الاجتماعي بشأن سقوط عدد من أحجار هرم سنفرو المنحنى بمنطقة آثار دهشور، بعد أن نشر عدد من المواطنين بعض الصور زاعمين أن هناك سقوطا في الجانب الخلفى للهرم.
عمرو أديب: بقالنا كام يوم بيقولوا الهرم اتخرم.. هو ميجيش غير فى زمانا ويتخرم؟
وبشأن هرم سنفرو، أضاف عمرو أديب خلال تصريحات تلفزيونية: بقالنا كام يوم الناس بتقول الحق الهرم اتخرم.. هو ميجيش غير فى زمانا ويتخرم، الهرم اللى اتخرم ده عمره 4600 سنة، لكن النهاردة عندك عمارات بتقع مكملتش 4 سنين.
وفيما يتعلق بالهرم المنحنى، تابع: فيه اللى بيقول دا واحد من التلات أهرامات اتخرم ربنا يباركلنا فى الاتنين الباقيين، وقبل ما نلطم على الهرم ونقول الهرم اتخرم ووقع، ونبدأ بكائيات لازم نتريس، فى النهاية الهرم هو مدفن يعنى البتاع دا كله مدفن.