تحدث الفنان عماد رشاد سبب عن رفض ابنته ياسمين، المشاركة في فيلم صعيدي في الجامعة الأمريكية، وذلك خلال حواره في برنامج واحد من الناس مع الإعلامي عمرو الليثي .
وقال الفنان عماد رشاد: «مكنش ليا دور فى ابتعاد بنتي ياسمين عن الفن، وهي كانت المفروض هتعمل فيلم صعيدى في الجامعة الأمريكية في دور غادة عادل، وخلاص اتفقت مع عائلة العدل على الدور وقبل التصوير بيومين رفضت وقالت مش همثل، وهى بتشتغل دلوقتي فى مجال الديكور».
وأضاف: «عندى 3 أحفاد وأنا أقرب واحد ليهم فى العيلة، ومرتبط بيهم جدًا، وبحاول أقلل من ارتباطى بيهم علشان لما ييجي موعد رحيلى ما يبقاش صعب عليهم، وكتير من الناس نصحونى بكده لأن أسرارهم معايا، وأنا اللي بجيب ليهم ملابسهم وكل حاجة، وأنا خايف عليهم من صدمتهم بعد رحيلى».
وتحدث عماد رشاد عن علاقته بزوجته، حيث قال: «أنا زوج رومانسي وعاطفي جدًا، وبجهز العشا لمراتي على ضوء الشموع، ومستحيل هعمل كده وهي هتبقى وحشة معايا، وأهم حاجة ريّح مراتك وقول لها حاضر، واعمل اللي أنت عاوزة».