قالت الفنانة عفاف شعيب:”بيجيلي عرسان كتير لحد دلوقتي، بس أنا برفض لإن عيب ميصحش اتجوز في الوقت ده، وأنا قادرة اعف نفسي خلاص”.
وأضافت خلال حوارها في برنامج “العرافة” الذي تقدمه الاعلامية بسمة وهبة عبر شاشة قناة “النهار”:”أنا ونسي ربنا سبحانه وتعالي ومش محتاجة راجل علشان أعف نفسي، الله خير ونيس”.
وتابعت:”من كام سنة لقيت شاب كل شوية بيبعتلي رسائل وصوره فعملتله بلوك، وبعتلي القصر اللى قاعد فيه واللي انتي عايزاه وأنا تحت أمرك بس أنا ضد إن واحدة في سني تتجوز شاب، بس هو مكنش بيهرز لإنه كان بيلاحقني سنتين وراء بعض وهو أصغر مني بـ20 سنة”.
وأكدت عفاف شعيب:”انا مش وحيدة وعايشة مع أخويا وولاده، ومحدش سايبني وكلهم بيحبوني وأنا بحبهم فمش بحاجة اني اتجوز”.
وكانت قد قالت عفاف شعيب:”أنا عايشة بدعاء أمي لأني قعدت معاها 3 سنين في أمريكا بخدمها خلال فترة مرضها”.
وأشارت خلال حوارها في برنامج “كلام الناس”، الذي يتم عرضه عبر قناة “mbc مصر”:”انا خايبة في الزواج وتعرضت للسحر والشعوذة في حياتي وده كان سبب طلاقي من رياض العريان”.