وجه عصام الحضري، مدرب حراس مرمى منتخب مصر الأولمبي، رسالة إنذار لمن يطاردونه، ويقولون إنه يُدرب حراس المرمى الصغار في أحد الأندية.
وقال الحضري، عبر فيديو نشره على حسابه الرسمي على موقع التواصل الاجتماعي «فيس بوك»: «اليومين دول بيحصل معايا حاجة مش كويسة، والكلام ده بقاله فترة، هل ينفع يكون في شوية عيال يقولوا إن أنا نازل أمرن عندهم حراس المرمى».
وأضاف الحضري: «أنا اسمي عصام الحضري، مدرب حراس مرمى منتخب مصر، وكمان أنتم بتلعبوا في نادي محدش عارف ترتيبه كام ولا حتى موجود في الدرجة الكام».
واختتم الحضري: «أنا بحذركم لو الكلام ده اتكرر تاني هيكون ليا تصرف تاني، والمرة اللي جاية مع المحامي».