حرص المطرب القدير عبدالباسط حمودة، على تقديم الدعم لمطرب المهرجانات حمو بيكا، وذلك بعد أزمته مع نقابة المهن الموسيقية ومنعه من الغناء.
عبدالباسط حمودة يدعم حمو بيكا
وذكر عبدالباسط حمودة خلال لقائه ببرنامج مصر جديدة، الذي تقدمه الإعلامية إنجي أنور، والمذاع عبر فضائية ” ETC” قائلًا: حمو ابني وحبيبي، وأنا بحبه عشان خاطر هو إنسان طيب.
وأضاف: هو لو يديني ودنه ونفسه، هخليه يعرف يغني إزاي، وهخليه كويس جدًا ويقول جدًا، لأن اللي هيعمله مش هيعمله زي ما احنا اتعلمنا، وهقوله الطبقة بتاعته عشان هو إنسان عنده طموح وعايز ياكل عيش، وفيه مطربين كتير على الساحة اتعلموا مني، وبقوا نجوم دلوقتي زي أحمد شيبة وطارق الشيخ ومحمود الليثي، ونيكول سابا ودنيا سمير غانم.
وتابع: أنا بحب حمو أوي، بس لما آجي اتصل بحمو بلاقي تليفونه مقفول، والله شهر ويمكن أقل كمان، لأخليه بيغني وكأنه بيغني بقاله 30 سنة، ويعدي من امتحانات النقابة، حمو بيكا ناقصه علم النغم وازاي يغني بصوته، لأن خامته كويسة، وبردو حسن شاكوش كويس وييجي منه، وعمر كمال فنان بيغني.
وأختتم عبدالباسط حمودة قائلًا: زعلت لما حمو قال عايز أكل عيش ومستعد أغير اسمي، احنا كلنا بناكل عيش، وأنا ممكن أغني معاه كمان، وهاني شاكر راجل محترم ومش بيمنع حد وبيدي فرصة إن المواهب تروح تمتحن، وأنا مش شايف فيه مطربين شعبيين في الساحة دلوقتي، حكيم في حتة واحنا في حتة.