أجر إرضاع الطفل | ابدى السيناريست عبدالرحيم كمال استغرابه من الدعوات التي أطلقت مؤخرا حول احقية الزوجة في مقابل و أجر من الزوج نظير إرضاع الأطفال.
أجر إرضاع الطفل .. نهاد أبو القمصان
وقال عبدالريحم كمال « أنا مستغرب من الناس اللي مستغربة من ان الست مش ملزمة بالطبخ والرضاعة وكأنه دين جديد مع ان ده معلوم ومعروف عندنا من اول ما اتولدنا واصغر طفل عارف ان ده الحقيقة …واللي بيحصل ده تفضل فعلا من الست على الراجل».
و أضاف قائلا: حتى البديهيات بقت عجيبة ؟ واللا الناس فعلا انقطعت تماما عن معرفتها باصل كل حاجة ؟
و أثارت تصريحات السيناريست المعروف عبدالرحيم كمال جدلا واسعا بين مؤيد ومعارض لهذه التصريحات ، من بينها لاحد متابعيه حيث قال: يبدو أن الاستاذ مش من الصعيد و أن هذا لم يحدث في الصعيد وغير معروف ولا معلوم لدينا»
وقال اخر « صحيح مش ملزمة المرأة بكل دا.. طيب مين اللي ملزم».
وشهدت مواقع التواصل الاجتماعي جدلا واسعا بعد تصريحات المحامية الحقوقية نهاد ابوالقمصان واليت قالت فيها أن من الحق الزوجة الحصول على اجر مقابل ارضاع الأطفال .
تصريحات أحمد شوبير عن أجر إرضاع الأطفال
ليخرج الكابتن والاعلامي أحمد شوبير عن صمته قائلا « هي ايه الحكايه ياجماعه طول عمرنا والام هي كل حاجه ف البيت بتطبخ وهي فرحانه وترضع ولادها وهي مبسوطه ومحدش غصب عليها في حاجه ايه مناسبة الحمله الموجوده دلوقتي الام لا ترضع ولا تطبخ ولا ولا !!؟؟؟ الأم عمود الخيمه بعيدا عن الفزلكه بتاعتكم».