شهدت صفحات التواصل الاجتماعي جدلًا واسعًا مع شكوى أحد عملاء بنك HSBC، والذي نشر يستغيث بـ المسؤولين والبنك المركزي المصري.
ويؤكد موقع «أوان مصر»، انه على أتم الاستعداد لنشر اي رد رسمي من بنك HSBC أو اي جهة اخرى.
وجاءت شكوى عميل بنك HSBC وفقًا لما يلي:
«السلام عليكم
ياريت الكل ياخد إحتياطاته مش عارف الصراحة إزاي بنك كبير زي أتش إس بي سي لما جيت فتحت حساب طلعلي كريدت كارد فري وأنا أساسا مش محتاجه فمعملتش أكتيڤيشن للكارد وبقاله 4 سنين مرمي في درج المكتب لحد ما صحيت النهاردة الفجر علي أكثر من 12 رسالة أن الكارد بيتسحب منه فلوس وبيتعمل عليه معاملات لدرجة أني تخيلت أنه كارد ال debit لحد ما كلمت خدمة العملاء ولقيتهم بيقولولي ان المعاملات تمت علي الكريدت كارد من برة مصر اللي أنا أساسا معملتلوش أكتيڤ ولا حتي باسورد ولا عملت عليه معاملة واحدة من ساعة ما طلع
السؤال هنا
كريدت كارد متعملوش أكتيڤ ولا باسورد ولا تمت عليه أي معاملة قبل كدة يتعمل عليه هاكر أزاااااااي مع بنك كبير زي أتش إس بي سي غير أن بيانات العملاء بتتسرب أو مافيش عامل أمان كفاية
علي العموم أنا عملت اعتراض – ده رقمه اللي بتابع بيه
060923-0605LR
لحد ما نشوف رد البنك علي المصيبة دي ولسة بعمل محضر في الأموال العامة».