أثارت طليقة خالد عليش، ميما شامي، جدلًا واسعًا عبر موقع التواصل الاجتماعي “إنستجرام”، بتصريحاتها عن “عليش”، بعدما أعلنت أنه هددها باللجوء للسوشيال ميديا.
وكتبت ميما، عبر خاصية استوري بموقع التواصل “إنستجرام”: “آخرهم أول ما رجع من السفر، ومردتش اعترض مع خوفي الشديد من الفيروس المُحتمل يكون حامله، وهو راجع من جنوب إفریقا، وابنته مريضة صدر مُزمن، وكان بيهدد من فترة أنه هيلجأ للسوشيل ميديا.. للأسف الحرب ده اللي مش معروف سببها، محدش بيدفع ثمنها غير ميما الصغيرة”.
طليقة خالد عليش: هددني أنه هيلجأ للسوشيال ميديا.. وبنته بتدفع التمن
وأضافت: “النتيجة اللي بتتقال وبتنزل صور قديمة للبنت، وقد إيه نفسه يشوفها ومش عارف، وأنا كلامي تعالي النادي أو تعالى عند ماما، وهات ما يثبت برؤية البنت، للعلم شافها أكثر من مرة في النص من غير ورق ومن غير نادي”.
وتابعت: “ومن يومها بنروح أنا والبنت مركز الشباب، وهو مش بيروح وحجته أنه مش عايز يبهدل البنت، والسبب الرئيسي هو الشهرة والتريند، ومن يومها لا راضي يشوف في النادي، ولا يتنازل عن القضية.. كلفني أني أشوف حل قضائي مع محامي، وحصل وكتبنا صيغة جديدة، لكن للأسف النادي مرفوض وإمضائه على ورق للتنازل مرفوض”.
وأردفت طليقة خالد عليش: “من كتر سذاجتي افتكرت إن القضية قديمة، وطلبت من الأب التحقق من ده، وكان رده لأ، كل حاجة قديمة خلصت، واتضح أنه رفع رؤية من شهر 12، واتحكم فيها والاستئناف خلص، وأنا معرفش طب ليه في إيه.. ليه تشوف البنت في نادي أو مركز شباب؟”.