كشفت طليقة خالد عليش، ميما شامي، عن تفاصيل جديدة في أزمتها مع “عليش”، مشيرة إلى عدم صحة تصريحاته بمنعه من رؤوية ابنته.
وأكدت ميما على أن خالد يستغل السوشيال ميديا لكسب تعاطف الجمهور، وتزييف الحقائق.
وكتبت ميمي، عبر خاصية استوري بحسابها الرسمي على موقع التواصل الاجتماعي “إنستجرام”: “من كتر سذاجتي افتكرت إن القضية قديمة، وطلبت من الأب التحقق من ده، وكان رده لأ، كل حاجة قديمة خلصت، واتضح أنه رفع رؤية من شهر 12، واتحكم فيها والاستئناف خلص، وأنا معرفش طب ليه في إيه.. ليه تشوف البنت في نادي أو مركز شباب؟”.
طليقة خالد عليش: بيستغل بنته والسبب الرئيسي الشهرة والتريند
وأردفت: “ومن يومها بنروح أنا والبنت مركز الشباب، وهو مش بيروح وحجته أنه مش عايز يبهدل البنت، والسبب الرئيسي هو الشهرة والتريند، ومن يومها لا راضي يشوف في النادي، ولا يتنازل عن القضية.. كلفني أني أشوف حل قضائي مع محامي، وحصل وكتبنا صيغة جديدة، لكن للأسف النادي مرفوض وإمضائه على ورق للتنازل مرفوض”.
واستطردت: “النتيجة اللي بتتقال وبتنزل صور قديمة للبنت، وقد إيه نفسه يشوفها ومش عارف، وأنا كلامي تعالي النادي أو تعالى عند ماما، وهات ما يثبت برؤية البنت، للعلم شافها أكثر من مرة في النص من غير ورق ومن غير نادي”.
واختتمت طليقة خالد عليش: “آخرهم أول ما رجع من السفر، ومردتش اعترض مع خوفي الشديد من الفيروس المُحتمل يكون حامله، وهو راجع من جنوب إفریقا، وابنته مريضة صدر مُزمن، وكان بيهدد من فترة أنه هيلجأ للسوشيل ميديا.. للأسف الحرب ده اللي مش معروف سببها، محدش بيدفع ثمنها غير ميما الصغيرة”.