كان الفنان طارق صبري ضيف على برنامج من مصر، الذي يتم عرضه عبر شاشة قناة سي بي سي والذي يقدمه الإعلامي عمرو خليل، وتحدث صبري عن علاقته بالفنانة شيري عادل وعلاقتهما، كما كشف عن بدايته في التمثيل.
وتحدث طارق صبري عن زوجته الفنانة شيري عادل، قائلًا: شيري غيرت فيا حاجات كتير وغيرت فكرة مشروع الجواز بالنسبالي لأنها كانت منطقة ضبابية وشيري دوبتلي القوالب الثابتة اللي كنت حاطتها وضربت فيها مقص.
وأضاف: مشاعري اللي حركتني الموضوع بيختلف والقوالب الثابتة بتبدأ تدوب وشيري ضربت المقص في القوالب وصحابي شافوا التغير عن قلب وكنت بشوف أن الجواز مفيش حد يفتحه دلوقتي أنا بستعجل وعايز أتجوز.
طارق صبري والزعيم عادل إمام
وتطرق في حديثه عن تفاصيل مشاركته الزعيم عادل إمام في آخر أعماله أستاذ ورئيس قسم وعوالم خفية، حيث قال: الجيل الجديد من الممثلين بيكون عندهم رهبة وتوتر من الشغل والوقوف أمام اسم بحجمه، وهو بيقدر يكسر حاجز الخوف بذكاء شديد يحاول مرة بالهزار أو الضحك على موقف حد معانا، ويجمعنا نراجع.
وذكر طارق صبري موقف جمعه بالزعيم في مسلسل أستاذ ورئيس قسم، حيث قال: شافني كنت متوتر فطلبني اعمل بروفة معاه، وقالي أنا مش حافظ، تعال نعمل بروفة؛ علشان يفك التوتر.
وأضاف: أحيانا الممثل يقدم مجهود كبيرا في عمل ولكن لا أحد يشاهده.. لكن مشاركة نجم كبير بحجم الزعيم؛ يحسسك أنك على الطريق الصحيح.