أكدت الفنانة صفوة، على أنها تعرضت للعنف الأسري والخيانة والنصب من طليقها الأول، وتسبب ذلك دخولها في حالة نفسية أثرت على شعرها وحالتها الصحية.
وقالت خلال حوارها مع الإعلامية ياسمين عز ببرنامج “كلام الناس”: “اتعرضت للعنف الأسري، واطلقت 3 مرات من زوجي الأول، اول طلقة كانت بسبب الخيانة، والتانية كنت راجعة من عند ماما وحصل مشادة في العربية، وأخر طلقة كل شيء اتكشف وبان، اطعنت في ضهري واتخانت كتير من طليقي”.
صفوة: اتعرضت للعنف الأسري والخيانة والنصب.. وشعري وقع ولبست بواريك
واستطردت: “بيقولو الضربة اللي متموتش تقوي، لكن في فترة جوازي في سن الـ 18، ماكنتش تقوي أو تموت، لأ هي فعلا تشل، حصلي زي ما حصل مع فنانات كتير، بعد الطلاق فوجئت إني منصوب عليا، ومتهمة بالتهرب الضريبي بمبلغ 3 مليون جنيه، وأنا معرفش حاجة، كل سنة كان المحاسب بيجيلي وبمضي على الورقة وتمام، ومكنش عليا فلوس”.
وتابعت: “لما اطلقت فوجئت اني مفيش فلوس في البنك والعربية اتخدت مني، هو خلاني اعيش مرحلة أسوء من ظروفي قبل ما أدخل الفن بكتير، أنا كنت عاملة توكيل عام لطليقي وهو نصب عليا وأخد فلوسي، أنا دخلت في حالة نفسية، وشعري وقع كله وبقيت اركب بواريك”.
واختتمت صفوة: “حالتي النفسية أثرت على أعضاء جسمي، وبشرتي كرمشت وضوافري باظت، القانون لا يحمي المغفلين وأنا كنت مغفلة، عشان كده مأخدتش أي خطوة قانونية ضد طليقي”.