تحل غداً 1 مايو، الذكرى الأولى لوفاة الراحل الموهوب مصطفى درويش، لذا نشرت منصة العدل، بودكاست dayer مقطع فيديو لـ أبطال مسلسل بـ 100 وش عبر حسابها الخاص على موقع التواصل الإجتماعي لتبادل الصور والفيديوهات إنستجرام، وهم يتحدثون عن الفنان الراحل مصطفى درويش.
وقالت الفنانة نيللي كريم عن الراحل مصطفى درويش: «أول مرة أشوفه كان على الفطار وطلبنا فول وطعمية والأكل كان تحفة حلو جدا وقعدنا كلنا كلنا وكان أول مرة فيها أشوف مصطفى».
بينما قال آسر ياسين: «مصطفى درويش الله يرحمه كان جدع جداً وابن بلد جداً حقيقي واحشنا يعني وحقيقي اقدر اقول عليه اني فقدت صديق عزيز جدا الله يرحمه».
ماذا قال نجوم مسلسل بـ 100 وش عن الراحل مصطفى درويش ؟
وأضاف الفنان إسلام إبراهيم: «انا كنت دايما كنت بشوف فيه حاجه بحبها جدا وف نفس الوقت بستغربها مصطفى عنده طاقه للناس … مصطفى مش ممثل هتلاقيه بيمثل معاك وخلاص لا هتلاقيه بيسأل عليك يطمن عليك بعد التصوير لدرجه اننا بقينا اصحاب وبقى بينا وبينه مواقف حياتيه كتيره انا وافراد عصابه ١٠٠ وش».
وتابعت دنيا ماهر: أنا كان عندي معاه مشهد لما كنت نائمة في الهنجر وهو بيجي يطردني برا ويقعد يشتمني ويهزقني وبتاع وأنا كنت مرعوبة لأن هو كان كبير وأيده كبيرة فأنا كنت خايفة أن هو لما يضربني يبهدلني فقعدت أقوله والنبي يا مصطفى ويقولي متخافيش وطبعا لما شدني كنت بتسحل تماما ويقعد يصالحني.