جاءت نرمين حمدي، صديقة ريم طارق زوجة حسن شاكوش، في بث مباشر عبر حسابها الشخصي على موقع تبادل الصور والفيديوهات القصيرة إنستجرام، لتوضح بعد الأمور في أزمة حسن شاكوش وزوجته، وفي ذلك التقرير سنرصد أبرز تصريحاتها في البث المباشر.
وكانت من أبرز تصريحات صديقة ريم طارق زوجة حسن شاكوش: «مفيش أي مشكلة صحية عند ريم وأنا بتكلم بلسانها وبعلمها، وحسن شاكوش كان عارف أن ريم متجوزة» .
وتابعت : «طليقها طالع يشهر بيها ويشهر بسمعتها وهو أصلا اللي جابلها التعب، طليق ريم عليه أحكام 10 قواضي» .
وأضافت: «ريم طارق لسه مرات حسن وهيقعدوا مع بعض ولسه هيتكلموا، المشكلة بين ريم وحسن شاكوش كبرت لما طليقها اتدخل» .
View this post on Instagram
وكان علق والد ريم طارق، زوجة المطرب الشعبي حسن شاكوش، على أزمة ابنته مع زوجها، التي تصدرت تريند مواقع التواصل الاجتماعي.
وقال والد ريم طارق في مداخلة هاتفية له ببرنامج صبايا الشمس: بنتي زوجة حسن شاكوش لحد اللحظة دي، وكل اللي بيجيبوا ربنا كويس، فيه إجراءات قانونية وأتمنى أن العدل يطبق على الجميع، والحق إن شاء الله هيجيي.
وأضاف: أي حاجة اتكتبت طالما مش على لساني متعتبرهاش حقيقية، وهو من حقه يطلقها، واحنا في بلد شرقي ومش هينفع نتكلم في أي حاجة طالما فيه علاقة قائمة بننا وبينه، وأتمنى الأمور تتحل من غير أي حاجة وإن شاء الله حقنا جاي.
واختتم حديثه: بنتي محصلش تعدي عليها هي معجبهاش الوضع، المحضر معمول بالحقوق الشرعية بتاعت بنتي المؤخر والقايمة وحاجات كتير، وحالة بنتي النفسية ممتازة واحنا مبسوطين جدا جدا وفرحانين.