شاركت الفنانة شيرين عبد الوهاب عن أمنيتها التي تريد تحقيقها في الفترة القادمة، وكشفت عن مشاريعها الفنية المستقبلية، مؤكدة أنها ستعود للتمثيل بعد سنوات من الغياب.
وقالت: «أنا هرجع للتمثيل وبحضر لفيلم كوميدي مع أيمن بهجت قمر بجانب العديد من الأغاني الفترة الجاية، وكمان نفسي أعيش في بيت فيه كل الناس اللي بتحبني، فيه كل أصحابي، أكلهم وأشربهم وأنيمهم».
ميار الببلاوي لـ شيرين عبد الوهاب بعد زيادة وزنها: فوقي لنفسك بناتك هيبقوا عبيد لأزواجهم
وجهت الإعلامية ميار الببلاوي رسالة لفنانة شيرين عبد الوهاب بعد ظهورها وهي في حالة من الاكتئاب وزيادة وزنها أمس وهي في حفلها الأخير.
وقالت عبر مقطع فيديو عبر حسابها الخاص بموقع التواصل الاجتماعي فيس بوك قائلة: «أنا شوفت الفنانة الكبيرة النجمة شيرين عبد الوهاب وهي طالعة تتكرم من كام يوم، وشوفت الفستان اللي هي لابساه والوزن اللي وصلت له».
وأضافت: «شيرين فوقي لنفسك وولادك، الدنيا مش بتقف على حد اسأليني أنا، كلنا اتصدمنا واتطلقنا وفشلنا، وإنت مش ملك نفسك إنت ملك جمهورك بفنك، وقبل ما تكوني ملك جمهورك إنت مثل أعلى لبناتك».
وتابعت: «أنا عارفة إن حبك كان جامد والعلاقة كانت حلوة، قومي أقفي واثبتي وجودك، والبسي أحلى حاجة، وارجعي تاني ظبطي وزنك».
وأكملت: «أرجوكي بناتك كده يا إما هيبقوا عبيد لأزواجهم يا إما مش هيدخلوا في أي علاقة، وإحنا منتظرين شيرين اللي بنحبها، الجدعة المصرية الأصيلة، تاخد الخبطة وتقف تاني بـ 100 راجل الوهاب».