أعربت الفنانة شيرين رضا، عن تعاطفها الشديد مع شعب لبنان جراء ما يحدث معهم من أحداث أليمة، راح ضحيتها عدد كبير من الشباب اللبناني.
وقالت “رضا” خلال لقائها مع الإعلامية لميس الحديدي، ببرنامجها “كلمة أخيرة”: “خلصت تصوير 60 دقيقة وقعدت شهر ونص في بيروت وبجد صعبانين عليا جدا حالتهم صعبة جدا وعشت معاهم النور لما يقطع والماية والبنزين وكل حاجة بجد قلبي معاهم ورغم جميع الظروف اللي هما فيهم الضحكة مش بتفارق وشوش الناس هناك”.
وأردفت: “وكنت بحب لبنان زمان وهي قديمة”.
شيرين رضا تكشف حقيقة تجاهلها لـ ابنتها نور بعد خطبتها
وقالت رضا خلال حوارها مع الإعلامية ريم ميلاد ببرنامج “Et بالعربي”:”باركت لنور على الخطوبة بس مباركتلهاش على السوشيال ميديا ودي بنتي بنتكلم أنا وهي في اليوم ٥٠ ألف مرة وبحب أن كلامي معاها يبقا برايفت بنا”.
وتابعت:”أحب أقولها تنبسط ومتسمعش كلام الناس السخيفة اللي بتحط تعليقات سخيفة من ناس متعرفناش ومعرفش إحنا مين ولا بنتكلم إزاي فتركز في حياتها ومتركزش مع الناس ويارب حياتها تبقى سعيدة”.