علقت الفنانة شهيرة عن فترة ابتعادها عن المجال الفني، كشيرة أن هناك صعوبة في الفترة الحالية حول عودتها الفن، بالأخص بعد وفاة زوجها الفنان محمود ياسين، كما أنه يكون لديها الكثير من التحفظات.
وقالت شهيرة في حوارها مع الإعلامية إيمان الحصري في برنامج مساء DMC، عن ابتعادها عن المجال الفني: «ابتعادي عن الفن كان مفاجأة لجوزي ولنفسي، مكنش ليا مزاج، أنا بحب مهنتي وبعتز بيها لأن دي دراستي وأنا ماليش مهنة غيرها، وأصبحت مزاجية ومش أي وقت أقدر أرجع ولا أحب أعمل مقابلات تلفزيونية، لأن هيبقى في عندي تحفظات على حاجات كتير وزمان غير دلوقتي».
وأضافت: «بالرغم من كل أصحابي وجمهوري ولكن مش سهلة إني ألاقي موضوع مناسب أرجع بيه، والفترة اللي أنا سيبت فيها الفن دي كانت أهم فترة عندي من التألق والجوائز، ولكن كنت محتاجة أقرب من ربنا أكتر، ولأني كنت بحب شغلي أوي وكان واخد كل تفكيري».
وتابعت شهيرة: «كنت دايمًا متهيألي أن الفن واخدني من التقرب من ربنا وحسيت إني مش عاملة الواجب اللي يرضي ربنا، وأنا مش ندمانة على ابتعادي عن الفن وحسيت إن ده اللي ربنا اختاره ليا».