أشادت الفنانة شهيرة حمدي بـ دور حفيدها الفنان الصاعد عمر محمد رياض في حكاية أوضة وصالة، ضمن سلسلة حكايات نصيبي وقسمتك.
شهيرة حمدي تشيد بـ أداء حفيدها في حكاية أوضة وصالة
ونشرت شهيرة صورة له عبر صفحتها الرسمية بموقع التواصل الاجتماعي “فيس بوك”، وعلقت قائلة: “عمر أبني أنا فخوره بأول تجربه لك (حكايه أوضه وصاله)⚘ موهبه⚘ ثبات⚘ ثقه ⚘طله حلوه ⚘ وعينان الله أكبر تتكلم وتساعدك في الأداء السلس البسيط ⚘ الحمدلله والشكر لله علي تقبل الناس لك في أول طلعه فنيه”.
من جانبه كانت قد أعلنت الفنانة رانيا محمود ياسين عن خوض نجلها عمر محمد رياض أولى تجاربه التمثيلية من خلال مسلسل نصيبي و قسمتك الجزء الرابع ، و هو من تأليف شقيقها الكاتب عمرو محمود ياسين.
حفيد شهيرة حمدي يدخل الوسط الفني
وفي تصريحات خاصة لـ أوان مصر كشفت رانيا عن تفاصيل أول عمل درامي لـ نجلها قائلة: أنا الأول مكنتش مشجعاه، بس هو واخد الموضوع بشكل جدي، هو بيدرس آخر سنة في إعلام و دخل اكاديمية استاذ خالد جلال في مركز الابداع، و هو كمان بيحب الكتابة في ورشة أحمد مراد فهو مش داخل الموضوع عشان اهله في الحكاية، هو داخل فيه و بيثقله بالدراسة.
تابعت: و هو استنى شوية لحد لما دخل الاكاديمية، و أول عمل ليه مش نصيبي و قسمتك، كان قدم في فيلم “فيلم تجاري”، مع الفنان عمرو عبد الجليل و حمدي المرغني، و عمرو لما اتشجع و كتبله ده ، كان عمل ده من نفسه و سمع عن شطارته .
وأضافت: الناس اللي فاكرة أنه ولاد الفنانين بيورثوها، لا أنا ابني خدها من تحت و زي كل الناس راح مكاتب الكاستنج بدون ما يعرفوا هو ابن مين، و لما دخل ورشة أحمد مراد اكتشف انه حفيد محمود ياسين لما اتوفى.