أشادت الفنانة شهيرة حمدي، بـ حكاية النضارة البيضاء ، التي ضمن سلسلة حكايات مسلسل نصيبي وقسمتك 4، وجاء ذلك من خلال صفحتها الرسمية بموقع التواصل الاجتماعي “فيس بوك”.
شهيرة حمدي تشيد بـ حكاية النضارة البيضاء
ونشرت صورة الفنان أمير المصري من الكواليس وهو يرتدي النضارة البيضاء وعلقت قائلة: “النظاره البيضا يالهوي، لو كل واحد فينا معاه واحده ماكانش حد بص في وش حد 🔨لأنك علي طول هتسمع( المتحدث كاذب).”
وتابعت قائلة: “وتطلع في الآخر بحكم كتيره ولكن اهمهم حكمه ان الحياه كدبه كبيره # ماشي ياعمرو ياحبيبي بس في الآخر لا يسعنا غير أن نرفع القبعه”
بسنت النبراوي تكشف لـ «أوان مصر» كواليس حكاية النضارة البيضاء
وكشفت الفنانة بسنت النبراوي لـ أوان مصر كواليس تصوير حكاية النضارة البيضاء، قائلة: “الكواليس كانت حلوة أوي عشان كان معانا الاستاذ عمرو محمود ياسين، و هو انسان جميل و الكواليس معاه بتكون مسلية، و كمان وجود المخرج عصام نصار، و دي مش أول مرة اشتغل معاه كنت اشتغلت معاه في اعلان قبل كده، و مش كده الكواليس كان كلها اجواء مرحة و لطيفة و شبابية
و تابعت: أي عمل للاستاذ عمرو محمود ياسين أنا بوافق عليه من قبل ما اقرأ الورق، و العرض الأول للمسلسل هيكون يوم 27 نوفمبر.
والحكاية من بطولة أمير المصري، أحمد صيام، وأحمد حلاوة ومصطفى أبو سريع، وسماء إبراهيم، وإخراج عصام نصار، وتدور أحداث القصة في إطار درامي تشويقي.