وجهت الفنانة شهيرة، رسالة غامضة لجمهورها ومحبيها، عبر حسابها الرسمي بموقع التواصل الاجتماعي “فيسبوك”.
وكتبت: “مش دايما العوض يكون من أنسان او علاقه أنسانيه كأهل أو صداقه أو معارف كثيره.. لأ اوقات يبقي العوض أنك بقيت تعرف تتونس بنفسك ده غير (ربنا أنيسي وجليسي دايما )”.
وأضافت: “لكن انك تكتشف كمان نفسك وتعرف تتونس بنفسك وتستمتع أحيانا بالتفاصيل البسيطه والعبيطه وأنك بقيت متصالح مع كل اللي بيحصل”.
واختتمت: “وأجمل أنواع العوض الانساني أنك تلاقي جوا نفسك كل اللي بتدور عليه.. ولقيت أن السلام والرحمه والأمان مصدره قلبك السليم.. وأجمل العوض أن تحمل السكينه بين ضلوعك من غير شوشرة”.
قصة حب شهيرة ومحمود ياسين
وكانت قد كشفت شهيرة لأول مرة عن قصة تعرضها للسحر خلال استضافتها في برنامج “واحد من الناس” مع الاعلامي عمرو الليثي.بعد مشاركتها في فيلم “وصمة عار”، قالت: “تعرضت للسحر بشكل شخصي بعد ما عملت فيلم “وصمة عار” علشان أخدت فيه أكتر من جايزة وكنت أهم نجمة بوزع في الفيديو وهو ما أثار حفيظة حد الله أعلم هو مين”.
وأضافت: “فجأة لقيت نفسي مش قادرة أضع مكياج على وجهي وأشعر بشكشكة شديدة، فقررت أسافر باريس وأكدوا لي أنني سليمة، وفضلت سنتين لم أقدر بوضع ميكب وبالتالي مش بشتغل، وفي بعض الأشخاص لما عرفوا اللي حصل لي قالوا لي دا سحر وفلانة هي اللى عملته لأنها متخصصة في السحر والأعمال، لكن أنا مقدرش أكد ده”.
وعن كيفية شفائها من السحر قالت: “أخرج من الموضوع بقراءة القرآن، ولكني مش عاوزة أظلم حد، بس كانت حاجة غريبة، ليه وقتها ليه ماكنتش أقدر أحط ميكب أشمعنى الميكب بالتحديد لأن ده هيأثر على شغلي أكيد”.