اعترف الفنان وائل عبد العزيز، شقيق ياسمين عبد العزيز، بخطأه مع شقيقته، وقدم لها اعتذارًا رسميًا على الهواء مباشرة.
وقال “عبد العزيز” خلال لقاءه ببرنامج “كلام الناس”: “الواحد بيغلط، بس مش معنى كده ان احكم على اللي بيغلط بالاعدام، احنا كلنا بنلغط بس المهم ان انت تراجع نفسك في الغلط ده ومتعملهوش وتتوقف عنه، وكمان تعتذر ده مش عيب”.
وأردف: “الاعتذار من شيم الرجال، ويموت المعلم وهو بيتعلم، فتجارب وعدت وبنتعلم منها ومش عيب وانا من هنا ورايح مش فاضي غير لشغلي، وربنا يكرم الكل بالخير والسعادة ويوفق الناس كلها يارب”.
وأضاف شقيق ياسمين عبد العزيز: “المهم التوقيت، لكن التوقيت عند السيدات غير الرجالة، حتى الست لما بتزعل من جوزها في حاجة معينة بتبعد فترة، فلازم يديها مساحتها، والمساحة ممكن تبقى كبيرة او صغيرة على حساب دماغ كل حد وطبيعة زعله، وديه حاجة مش بايديا او بايد حد تاني، دي بايد صاحب الامر وحده”.
شقيق ياسمين عبد العزيز: ربنا هيعوضني وهنجح قوي.. وهيوقفلي ولاد الحلال
وكتب وائل عبر حسابه الرسمي بموقع التواصل الاجتماعي “فيسبوك”: “والله أنا ربنا هيكرمني قوي وهنجح قوي وهيعوضني علي كل الاذي ده وهيعوضني بسنين نجاح كتير بدل الي ضاعت وناس احلي وصافيه وهيوقفلي كل ولاد الحلال وهينصفني وهيبقي معايا زاي ما هو علي طول معايا هو الوحيد الي عالم بالي في قلبي وبحالي .. يقيني بالله يقيني .. يارب العباد بدل حالي واسعد قلبي وابعد عني من لا يخافك”.