عبر شقيق الفنانة ياسمين عبد العزيز الفنان وائل عبد العزيز عن فرحته العارمة بتحسن الحالة الصحية لشقيقته، بعدما اقتربت من انهاء رحلة علاجها والعودة إلى مصر.
وكتب وائل عبر حسابه الرسمي بموقع التواصل الاجتماعي “فيسبوك”:”النهاردا كان يوم حلو ومناسبتين يستاهلوا الحمد .. الأولي إن ياسمين قاربت على التعافي بعد مشوار تعب طويل، لأني فعلا شوفت أختي علي مشارف الموت وكان إحساس صعب ربنا ما يكتبه علي حد”.
وأردف:”ياسمين مش اختي دي بنتي وحبيبتي، والتاني أني وبعد غياب اختفاء عن صحابي قابلتهم كلهم النهاردا في احتفال متعود علي التواجد في كل موسم ” dear guest “.
واستطرد:”الحمد لله علي دعاء الناس من كل مكان في الدول العربية، وغيرها من الجالية المصرية والعربية حول العالم ، انتو مش متخيلين كم الرسايل والدعاوي والتمني بالشفاء لبنتي.. احنا والحمد لله في نعمة كبيرة وفضل من ربنا بوجود الناس دي حوالينا، وشكرا لكل الناس بجد من قلبي ويارب منشوفش في حد حاجة وحشه”.
أول رسالة من ياسمين عبد العزيز بعد ازمتها الصحية: “شفت الموت”
وكتب ياسمين عبر حسابها الرسمي بموقع التواصل الاجتماعي “إنستجرام”:”جمهوري الغالي في مصر والوطن العربي.. وحشتوني جداً .. الحمدلله انا بقيت كويسة وتعافيت الحمدلله عاوزاكم تتطمنوا.. رغم كل الصعب اللي مريت بيه في أزمتي الاخيرة الا ان سؤالكم ودعمكم هو اللي كان بيهون عليا كل اللحظات المره اللي عدت عليا”.
وتابعت:”وكفاية اني أقولكم اني حقيقي شفت الموت وكان قريب جداً.. لكن بفشل الله وبفضل دعواتكم الحميلة الصافية وبفضل وقوفكم جنبي بقلبكم وبحبكم ونيتكم الطيبة ربنا استجاب لدعواتكم وربنا كرمني وعديت المحنة علي خير الحمدلله”.
موضوعات متعلقة: