قال الفنان شريف منير إنه سعيد بالعمل في فيلم “السرب”، قائلا إنه يحب هذه النوعية من الأفلام.
وقال منير، خلال مداخلة هاتفية مع الإعلامية لميس الحديدي ببرنامج “كلمة أخيرة” المذاع عبر قناة “اون تي في” في تمام الساعة 9 مساءً: “من خلال هذه الأفلام بقدر أبين حبي بمصر قد أيه، وانا بحب بلدي وبحب أدارة بلدي، وحاسس بالتنوع والتقدم والنجاح”.
شاهد.. السقا عن فيلم السرب: «قابلنا الأبطال الحقيقين.. والدولة ساهمت في العمل»
وأضاف قائلاً: “الكلام اللي بيجي من برا انتو مبتعملوش حاجه وفين اللي انتو بتعملوا خلاص من كتر ما قالو خدنا على كلامهم وكل يوم نفس الكلام بيتقال وكل يوم بيهاجمونا وانا متابع القنوات وبيقولوا علينا في إعلامنا نفس الكلام في كل القنوات وبلاقي اللي بيتقال هنا هو اللي بيتقال هنا او لا مش قصدي قصدي قلة الادب اللي بتتقال هنا هي هي اللي بتتقال هنا واحنا خلاص مبقاش يأثر فينا الكلام ده كله”.
وتابع: “الفيلم مشرف في الحدوتة والحكاية حقيقية موقف حصل وأخد التار كان حقيقي وكلنا سمعنا عن القصاص، بس مشوفنهوش، احنا بقي هنوري الناس جزء بسيط من القصاص والناس هتنبسط بيه جدا وهتبقى سعيدة وفخورة بالسينما المصرية”.
السقا عن فيلم السرب: «هنفاجئ الناس بحاجة غير اللي في خيالهم»
وكشف عن دور أحمد السقا قائلاُ: “السقا هو بطل الفيلم بس هو مبيحبش يتكلم عن نفسه بس انا هتكلم عنه بس مش هحرق دوره، أحمد السقا بيقوم بدور مهم جدا جدا ولما انا قرأت الدور على الورق دور هعجب الناس جداً واحمد مجسد الشخصية بشكل قوي جداً”.
وختم: “كل اللي عاملين وراء الكاميرات بيعملوا شغل عالي جداً وأنا دوري ضيف شرف وأسر ياسين وأحمد حاتم وكريم فهمي كلنا ضيف شرف، احنا بنشتغل في الفيلم ده شرف من غير ضيوف وكل واحد محطوط في حته محدش هينساه”.
فيلم السرب يتناول الضربة الجوية المصرية على مواقع لتنظيم داعش في ليبيا، ثأرا لمقتل المصريين هناك، وذلك في فبراير 2015.
العمل إنتاج “سينرجي”، وتأليف عمر عبد الحليم وإخراج أحمد نادر جلال، ويشارك فيه كل من أحمد السقا وهند صبري، ومنى زكى، ودياب، وكريم فهمي، وآسر ياسين، وشريف منير، ومحمود عبد المغني.