تحدثت الفنانة سلوى عثمان عن مشاركتها في مسلسل الغرفة 207، خلال لقائها في برنامج كلام الناس تقديم الإعلامية ياسمين عز.
وقالت سلوى عثمان: «الإضاءة كانت خافتة زيادة عن اللزوم لأنهم كانوا عاوزين يعملوها بشكل واقعي لكني كنت حاسة أن وشوش الناس المفروض تبان شوية علشان يبان بيحصل إيه».
وأضافت: «الدور ماكانش كبير، لكن اللي حمسني المشهد الأخير، إلى جانب أن فكرة المسلسل عجبتني، وعلى الرغم من أن دوري ماكانش كبير ولكنه عمل تأثير مع الناس وكنت منتظرة المشهد الأخير بس كان نفسي ينور شوية».
وتابعت: «ريهام عبد الغفور لازم تاخد فيه أوسكار لدرجة أني مرة في الاستديو كانت ورايا بلف اتخضيت مع أني عارفة لكن شكلها كان يخض أوي وكانت متقمصة الشخصية جدًا».
وأعربت عن شدة خوفها من المشاركة في عمل تدور أحداثه في إطار رعب، حيث قالت: «روحت للمؤلف وقلت له لو هتلبس بجد أنا مش عاوزة الدور قال لي مفيش الكلام ده والحمد لله ربنا ستر لأني أنا من النوع الخواف».
مسلسل الغرفة 207
وشارك في بطولة مسلسل الغرفة 207 محمد فراج، ريهام عبد الغفور، كامل الباشا،وناردين فرج، أسماء جلال، سلوى عثمان وغيثرهم من نجوم الفن، والعمل من إخراج محمد بكير وتأليف تامر إبراهيم، والمسلسل مستوحي من رواية الغرفة 207 للكاتب الراحل أحمد خالد توفيق.