قالت الفنانة سلوى عثمان ضيفة على برنامج إذاعي عبر قناة «نغم اف ام»: أنا مواليد ٢٠ يوليو برج السرطان، وهو برج رومانسي ومنظم وحساس، ودايما تلاقيه بيحافظ علي شعور الآخرين، بس مودي ومتقلب.
وأضاف خلال مدخلة هتافية: «سبق مريت بأشياء تحبطني في حياتي أو شغل، لكن امرأة السرطان قوية، بحب شغلانة التمثيل وبلاقي فيها الشغف والمتعة، أتمنى لعيد ميلادي الجاي، أني أقدم شغل أكتر، ومتنوع عن الأدوار اللي قدمتها، ومن خلالها تبان قدرتي وموهبتي التمثيلية، وطبعا الصحة والستر».
واستكملت حديث عن حياتها: «أنا قمت بدور المرأة الصعيدية القوية في “كيرة والجن”مع المخرج مروان حامد، اللي تناول ثورة ١٩١٩، وكانت الكواليس جميلة قوي، وأول مرة أروح الأقصر وأسوان، وكانت المناقشة بيني وبين مروان حوالين قوة الشخصية حتي في أشد وقت للإنفعال لحظة موت بنتها، قالي ولا حتي دمعة، بحب كريم عبد العزيز قوي من أيام عملي معاه بمسلسل “الزيبق“».
واختتمت: «الفيديو والسينما هما أقرب ليا من المسرح، إمتي أختار دور، لما أقرا دور كويس مكتوب حلو مع مخرج جميل، ساعتها بحس الدور بيناديني، عشان أحضر للدور لازم يكون عاجبني، وأقعد أذاكره كويس قوي، عشان أكون حافظة ومتفرغة للأداء والتمثيل مش لسه هفتكر الكلمة اللي المفروض تتقال».