كشفت سامية شاهين زوجة ابن الراحل إسماعيل ياسين في تصريح خاص لـ أوان مصر عن رد فعلها بعد إهانة محمد رمضان للفنان إسماعيل ياسين في أحد مشاهده ، و بعد أن بدأت في إتخاذ الاجراءات القانونية
حيث قالت سامية لـ أوان مصر : محمد رمضان أهان رمز من رموز بلده عمره ما يعرف يوصل لـ إسماعيل ياسين و هو في حته تانية خالص ، إسماعيل ياسين رمز من رموز الكوميديا و التمثيل في مصر ، ازاي يفكر يهينه يعني هو ينفع نهين رئيس بلدنا او وزير او أي رمز من رموزنا ، و انا مش بقول كده عشان هو حمايا ده رأي الجمهور و الشعب بأكمله
و تابعت : دي مش أول مرة يعمل فيها كده و اعتذر بشكل رسمي من قبل ، و كررها تاني ، و انا مش هسكت و هتخذ كافة الاجراءات القانونية ضده القانون بينص على أن لا يحق استخدام شخصية أي فنان راحل الا قبل الرجوع لـ أهله او ورثته .
أما عن المنشور الذي صرح به المخرج محمد سلامة أن الجمهور تسرع في توقع ان هذا هو اسماعيل يس و ان عليهم متابعة بقية الاحداث قالت سامية : لو شوفت مشهد تاني في اسماعيل ياسين انا هوقفله عرض المسلسل خالص ، و انا مبتفرجش على المسلسلات و لكن لو حته جيه مشهد بالصدفة ، و اكيد الجمهور كله مش فاهم غلط و مش هتطلع شخصية اسماعيل ياسين .
موضوعات متعلقة :