أعربت الفنانة السورية سارة نخلة عن غضبها الشديد من سؤال إحدى المتابعات لها حول حقيقة خضوعها لعملية تجميل في الوجه بعد دخولها مجال التمثيل.
وردت “نخلة” على سؤال المتابعة، قائلة: “ما بحبش الناس اللي بتفتي وتقول أي هبد وخلاص.. عملية يعني غرفة عمليات.. العملية اللي ممكن أعملها في وشي يعني غير مناخيري أصلًا، من وأنا عندي 18 سنة.. إيه هي بقا العملية، إيه هي زرع عين؟، استئصال لسان؟، والكلام دا.. أي هبد وخلاص”.
وأردفت: “الفيلر والحقن والبوتوكس مش عملية، دي رتوش بسيطة لتحسين الشكل العام، والحفاظ على الشكل، أي بنت في الدنيا بتحتاج التعديلات دي بس في بنات بصورم، بتعمل ومش بتقول وفي بنات صريحة زيي ولا يفرقلها أصلًا، الحاجات التافهة دي والفرق بيني وبين أي بنت مش عاملة حاجة، أن هي نفسها تعمل عندها، أما مشكلة خوف أو مشكلة فلوس مش أكثر”.
سارة نخلة تتعرض للعض من كلب
من جانبه، كانت قد شاركت الفنانة السورية سارة نخلة، متابعيها عبر موقع التواصل الاجتماعي فيسبوك منشورًا لها، تكشف فيه عن تعرضها للعض من كلب.
وعلقت: “أنا الصبح عضني كلب هو اه صغير بس ابن كلب جاحد.. بجد هو كلب صاحبتي أكيد مش كلبي عشان في ناس افتكرت كلبي، والمهم العضة ورمت وروحت مستشفى خاص قالوا لي مش موجودة الحقنة ولازم أروح مستشفى حكومي”.
وأردفت: ”المهم روحت مشفى زايد التخصصي دخلت أقسم بالله خمس دقائق طوارئ أدوني الحقنة وفاضل لسه 4 وأدوني ورقة فيها مواعيد الحقن الباقية، ولا مليم ولا مليم يا جماعة ومستشفى محترمة ودكاترة عارفين ربنا بجد، لا يعرفوني أصلا عشان ماحدش يقول لي عشان إنتي ممثلة، وكنت حاطة كمامة طول الوقت أصلا، أنا بس عايزة أقول تحيا مصر الف مرة الف مرة”.
واختتمت: ”اقسم بالله لو أي بلد تاني زماني كنت مسعورة وراقدة جنب الكلب بهوهو وبتعشى معاه دراي فود”.