عبرت الفنانة ريهام حجاج، عن غضبها الشديد، من اعتماد الجميع على السوشيال، لدرجة أنها أصبحت شئ أساسي في الحياة، ويترجم الجميع مواقفه، وأفكاره، وعواطفه من خلالها، لافتة إلى أن أغلب من يفعلون ذلك ويستخدمون السوشيال ميديا في كل شئ، يفعلون ذلك من أجل “الشو واللقطة”.
ريهام حجاج وغضبها من السوشيال ميديا
ونشرت ريهام حجاج، عبر صفحتها الشخصية بموقع التواصل الاجتماعي “فيسبوك”، منشورًا كتبت فيه: “فيه حاجة مستفزاني جدًا.. ليه مصريين إن حياتنا و مواقفنا وأفكارنا وعواطفنا كلها لازم تترجم علي السوشال ميديا؟!.. السوشال ميديا ٩٠ في مية منها باقت عبارة عن ناس بتتكلم بس وأكترهم بيتكلموا علشان الشو و اللقطة”.
وأضافت: “في مثل شعبي بيقول اللي بيعمل ما بيقولش و اللي بيقول ما بيعملش.. ممكن يكون إللي ما كتبش علي السوشال ميديا اتبرع وساهم عمليا و ماعايبش على اللي كتب مش بالكلام أصلها.. الكلام مافيش أسهل منه.. و لو الكلام بيفيد كان زمان فلسطين رجعتلنا من زمان.. و إللي حايدخل يقوللي أصل فلان ده نجم و قدوة هارد أقوله إن شاء الله يكون رئيس العالم بردو كلامه مش هايأثر.. أحنا محتااااااجين أفعاااااااااال”.
ريهام حجاج تدافع عن محمد صلاح
وأثار محمد صلاح، لاعب منتخبنا الوطني، وفريق ليفربول الإنجليزي، حالة من الغضب الجماهيري، خلال الأيام الماضية، بعد رفضه دعم القضية الفلسطينية علنًا، وعدم نشره أي شئ يتعلق بالأزمة والحرب المشتعلة الآن بين إسرائيل وفلسطين، ذلك يعتبر محمد صلاح هو النجم الذي تقصده ريهام حجاج لتدافع عنه أمام الجميع.