نشرت الفنانة ريهام حجاج توضيح عن إشاعة أنها السبب في قرار اعتزال توفيق عبد الحميد، على حسابها الخاص عبر موقع التواصل الاجتماعي لتبادل الصور والفيديوهات «انستجرام».
ودونت على المنشور التوضيحي قائلة: «بوست أستاذ توفيق إللي هو حقيقي طول التصوير صاحبي و أبوية سواء أدام الكاميرا أو وراها، ربنا يديله الصحة و العافية و طولة العمر و يفضل يمتعنا بأدواره و يشفيه و يعافيه، شكرا لزمايلي إللي هما في الحقيقة أخواتي علي ردهم و توضيحهم، و أرجو من الناس المحترمة كفاية أشاعات و نراعي الحرمانية خصوصا أننا في شهر رمضان الكريم».
View this post on Instagram
محمود حجازي يدافع عن ريهام حجاج: محدش بيرضي بالظلم
نشر الفنان محمود حجازي منشور على صفحته الخاصة على موقع التواصل الاجتماعي «فيسبوك»، مدافعًا عن الفنانة ريهام حجاج خاصةً بعد إشاعة أنها السبب في قرار اعتزال الفنان توفيق عبد الحميد.
وقال محمود حجازي عبر موقع التواصل الاجتماعي: «انا في حاجه ماكنتش عايز اتكلم فيها بس بجد مش قادر اشوف حد علاقتي بيه طيبه وبشتغل معاه وبشوفه بيتعب قد ايه وبيتعامل مع كل الناس بشكل محترم جدا والاقيه ديما بيتظلم من الناس من غير ما تعرف تفاصيل ديما هو اللي بيشيل المشاكل كلها سؤاء كان جزء منها او ميعرفش حاجه منها ليه بقينا بنستسهل الظلم».
وأضاف «حجازي»: «انا السنه دي بشتغل ٣ مسلسلات جواه رمضان وكانت سنه صعبه جدا وممتعه جدا وانا محظوظ اني اشتغلت مع الاستاذ توفيق عبد الحميد اللي لسه شايف قرار انه بعد الانتهاء من تصوير مسلسل يوترن سوف يعتزل الفن .. قد ايه الخبر ده زعلني جدا وبتمني انه يتراجع فيه ويفضل يمتعنا بفنه الحقيقي المبهر وان شاء الله هيحصل كده .. وكمان زعلت جدا لما شوفت الحملات والناس اللي عايزه تستغل الخبر ده لهدم وتشويه شخص هو بعيد كل البعد عن القرار ده بس لمجرد انهم عايزين يهدموا اي نجاح بشكل مليان ظلم وعدم فهم واستنتاجات ليس لها علاقه بالحقيقه .. والمشكله ان دي طريقه بتتكرر وكل مره بقول اكيد الناس هاتفهم لوحده بس الاقي الموضوع مكمل بطرق غريبه والغريب اكتر ان في ناس بتستغل الموضوع ده .. وانا مش بكتب الكلام ده و مستني اي حاجه غير اني حسيت لو انا اللي وقع عليه الظلم ده وعايز الناس تفهم بس .. انا ده تاني عمل ليا مع الاخت العزيزه ريهام حجاج ووالله والله انا كلامي هتحاسب عليه قدام ربنا يعني ولا حد في الدنيا دي كلها هيأثر عليه غير الحق .. واسف اني طولت عليكم وكل سنه وحضراتكم طيبين».