- كتبت – شيماء رستم
خرجت الإعلامية رضوي الشربيني عن صمتها لتنفي اية اخبار ارتباط عاطفي او اقبال علي الزواج خلال هذه الفترة.
و قد قامت “الشربيني”، بلايف عبر الانستاجرام لتخبر جميع متابعيها و تنفي عدم ارتباطها، و ان هذه لم تكن الشائعة الاولي بل قالت مرة طلعوني متجوزة ١٣ مرة و مرة طلعوني هاتجوز مغربي، و المرة دي بتربطوني بعائلة اكتر من اخواتي، انا مش الست اللي تقبل تتجوز واحد متجوز و لا الست اللي تخرب بيت ست عشان تتجوز جوزها.
وأضافت : “طلعت رديت لأني رد الحق للناس المحترمة واجب، ولأنى لاقيت وأنا جاية في العربية بعض التعليقات اللى زي ما يكون الناس كانت مستنية أو ما بتصدق، أو أنا مش عارفة.. ليه لما يتقال عليها – الناس اللى بيطلق عليهم مشاهير- حاجة حلوة مش بتتصدق، ولما بيتقال حاجة مش كويسة، بتتصدق وتجري كده، ربنا يهدي الجميع، ويهدي الشخص اللى فكر يكتب الكلمتين دول، بردو أنا مسامحاك لأني عارفة أنت عامل كده ليه، وواخد من مين علشان تكتب كده، وحياة ربنا، وربنا ما تصدقوش كل حاجة بتتقال، ما تصدقوش كل إشاعة، ما تصدقوش كل كلمتين، علشان احنا بني ادمين، وعندنا اهل وعيال بيضايقوا علينا، وسمعة، احنا يقال علينا مشاهير، بس بنزعل وعندنا ناس بتزعل عليهان ربنا يهدي الجميع، دول كلمتين طلعت اقولهم في حق ناس جزمتهم على راسى”.
ثم أنهت كلامها بقولها: “لو رضوي الشربيني بتحب هتقول وهاخد رأيكوا زي ما خدتوا رأيي، زي ما بعمل من 4 أو 5 سنين”.