تحدثت الإعلامية رضوى الشربيني، خلال حلقة برنامجها “هي وبس”، عن عودة الفنانة شيرين عبد الوهاب للمطرب حسام حبيب وإعلانها انعقادهما كتب كتابهما من جديد، مشيرة على أنها لا بد أن تدرك كونها قدوة لكثير من السيدات.
قالت رضوى الشربيني: “حد فيكم دلوقتي يقولي حسام غلط في شيرين في إيه عشان نطلع نقول على الست إن معندهاش كرامة، مفيش واقعة غير مداخلة من الأخ مش من الزوج، وعلى فكرة أنا بعدها كلمت حد من المقربين ليها وفهمتني الحكاية إيه”.
تابعت: “لو مشيت معاكم للآخر هقولكم إحنا مالنا؟ إحنا فين مشكلتنا إن حسام يرجع لشيرين؟ اللي بيشيل قربة مخرومة بتخر عليه هو مش علينا احنا، عارفين فين المشكلة؟ المشكلة إننا سوأنا سمعة الست وسمعة الراجل، وهي عندها بنتين ليهم زمايل في المدرسة وجيران وكل الوطن العربي مبيتكلمش غير على أمهم”.
أضافت: “للأسف يا شيرين أنتي مش إنسان عادي وعشان كده حصلت الضجة العظيمة دي عليكي، ولازم تعرفي إنك قدوة لستات كتير واللي ميعرفش القصة الحقيقية هيشوفك من برة ست بلا كرامة، أرجوكي لو سمحتي خلي مشاكل بيتك جوه بيتك وخلي العك اللي حصل ده الناس تنساه، وبقول لكل الناس كفاية عك في حياتهم”.