تحدث رضا عبد العال لاعب منتخب مصر السابق، عن أدء منتخب مصر أمام منتخب نيجيريا، والتي تلقى فيها الخسارة بنتيجة هدف دون رد في المباراة التي جمعت بين المنتخبين في الجولة الأولى من دور المجموعات ببطولة الأمم الإفريقية.
تصريحات عبد العال
وقال عبد العال “انا صح، بس انتوا بتطبلوا، وماسكين الطبلة للراجل، أنا بحب مصر بس بحبها بطريقتي، شايفين إننا لازم نصبر على كيروش، مع إن مدرب منتخب نيجيريا بقاله بس 4 شهور”.
وقال عبد العال ” إيه رأيكم يا جباهزة في أداء منتخب مصر، الراجل ده أبيض فنياً، وأبيض ، وتشكيله ده يدل على كده، ولما فتوح مصاب بتلعب بيه ليه ماتش زي ده”.
ووجه نصيحته لأكرم توفيق والونش ” عايز أقول نصيحة لأكرم والونش، اللي انتوا بتعملوه في الدوري مش هينفع مع اللاعيبة بتاعة إفريقيا، حكاية غنك يا أكرم تدافع وتفتح صدرك والحكم يلحقك ويديلك فاول ده مش هيمشي في ماتشات المنتخب، النهارده اللاعب بتاع نيجيريا عايز يعدي منك، سيبه يجيب آخره اللي هيكون عبارة عن أوفر، وإنت هتحط رجلك بعدها والموضوع هيخلص”.
وتابع “طبعاً انت عايز تبين للناس إنك أقوى منه، والنتيجة إنك اتصابت بس مش إنت اللي خسرت، مصر اللي خسرت، الناس دي عايز تلاعبها لاعبها بالمهارة مش بالقوة”.
ووجه نفس الكلام للونش مدافع متنخب مصر “حكاية إنك تاخد الكورة وتدي ضهرك للاعب ده مش هينفع، ده ينفع في الدوري المصري لما الحكم يلحقك ويدلك فاول لكن برضو مش هينفع في إفريقيا”.