تحدث رضا عبد العال لاعب منتخب مصر السابق، عن أداء منتخب مصر، الذي ظهر به في مباراته الأولى أمام المنتخب النيجيري، في الجولة الأزلى من دور المجموعات من بطولة الأمم الإفريقية، والتي تلقى فيها المنتخب الخسارة بنتيجة هدف دون رد.
تصريحات رضا عبد العال
وشن رضا عبد العال هجومه على كيروش مدرب منتخب مصر، وعلى التشكيل الذي وضعه للمباراة والتي يرى أنها تسببت في خسارة المنتخب لأولى مباريات دور المجموعات.
وقال عبد العال عبر فيديو على اليوتيوب ” عايز أعرف فين نص ملعبنا، فين حمدي فتحي وفين النني، وليه بتلعب بتريزيجيه اللي بقاله 8 شهور ملمسش الكورة”.
وتابع “شوفت إيه في التدريبات عشان تلعب بـ تريزيجيه، مكنس لازم تبدأ بيه ماتش زي ده”.
وقال عبد العال لـ أكرم توفيق والونش ” عايز أقول نصيحة لأكرم والونش، اللي انتوا بتعملوه في الدوري مش هينفع مع اللاعيبة بتاعة إفريقيا، حكاية إنك يا أكرم تدافع وتفتح صدرك والحكم يلحقك ويديلك فاول ده مش هيمشي في ماتشات المنتخب، النهارده اللاعب بتاع نيجيريا عايز يعدي منك، سيبه يجيب آخره اللي هيكون عبارة عن أوفر، وإنت هتحط رجلك بعدها والموضوع هيخلص”.
وتابع “طبعاً انت عايز تبين للناس إنك أقوى منه، والنتيجة إنك اتصابت بس مش إنت اللي خسرت، مصر اللي خسرت، الناس دي عايز تلاعبها لاعبها بالمهارة مش بالقوة”.
ووجه نفس الكلام للونش مدافع متنخب مصر “حكاية إنك تاخد الكورة وتدي ضهرك للاعب ده مش هينفع، ده ينفع في الدوري المصري لما الحكم يلحقك ويدلك فاول لكن برضو مش هينفع في إفريقيا”.