بعد التعادل السلبى فى مباراة أمس ،ضد اف سى مصر فى الجولة الـ28 من الدورى الممتاز خرج رضا عبد العال المدير الفنى لفريق طنطا، ليدلى بتصريحاتة بعد المباراة.
تحدث مدرب طنطا الجديد عن أداء فريقه في أول مباراة تحت قيادته قائلاً: “أظن أن مصر كلها شافت الماتش، وشافت التغيير في أداء الفريق، مش هو ده الفريق اللي كان بيلعب كده قبل كده”، وأوضح: “أنا اشتغلت على اللاعيبة نفسياً، لاعب زي حسين فيصل بقاله فترة ملعبش ولما شوفته لقيته لاعب جيد واديتله الفرصة وظهر بمستوى متميز”.
وأكمل: “الناس كانت بتقولي أنت بتطلع في الفضائيات تحلل وتتكلم بس، انزل الملعب وورينا، وأنا أهو بوريهم أن الكورة سهلة، وأن طريقة اللعب اللي بلعب بيها 4 – 1 – 4 – 1 ناجحة”.
وتابع: “أنا شايف أن دي الطريقة الأنسب للفريق، بلعب بليبرو مقلوب قدام الـ4 لاعيبة اللي ورا، وفي الهجوم بلعب بـ4 تانيين ورا المهاجم، وده ظهر في تطور الأداء الهجومي للفريق”.
وأختتم: “في الشوط الثاني لعبت بطريقة 4 – 2 – 3 – 1، عشان اللاعيبة تعبت ومجهودها قل، وده طبيعي، إذا كان الأهلي والزمالك بيشحتوا كورة في أول 5 دقايق في الشوط الثاني”.
اقرأ ايضاً..
باسم مرسي: «سأشجع الأهلي في أفريقيا»