كشفت الفنانة رحمة حسن سبب رفضها تدخل نقيب المهن التمثيلية، الدكتور اشرف زكي، لإنهاء الأزمة بينها وبين المنتج هاني أسامة واسترداد كافة مستحقاتها المالية.
وكتبت رحمة عبر حسابها الرسمي بموقع التواصل الاجتماعي “إنستجرام”: “كل الاحترام والتقدير للدكتور اشرف ذكي .. علي استجابته وسؤاله.. واحب اوضح ان الفلوس الي ليا عند هاني اسامه المنتج هي باقي اجري عن مسلسل سابع جار .. وكان ليا جزء كبير منها .. ولجأت للدكتور اشرف في ٢٠١٩ علشان يساعدني .. وحصل .. واداني جزء بسيط من فلوسي”.
رحمة حسن توضح سبب رفضها تدخل أشرف زكي بشأن أزمة الـ “40 ألف جنيه”
وأضافت: “اما بخصوص ان الدكتور اشرف طلب مني اني اروحله النقابه عشان نتكلم في الموضوع .. انا قلتله اني مش عايزه اتعبه اكتر من كدا معايا .. خصوصا اني عارفه اني مش نقابيه واني بشتغل بتصاريح ومش عايزه اضيع وقته خصوصا انه ساعدني قبل كدا.. وكمان عشان عارفه ان هاني مش بيستجيب عشان هو منتج فا تبع نقابه تانيه”.
وتابعت: “وكنت عارفه ان الدكتور اشرف كلمه قبل كدا في موضوع الفلوس ده و برضوا ماحصلش حاجه .. يعني لو كان عايز يدفع كان دفع من زمان .. المسلسل اتذاع وخلص وهاني عمل بعده كذا عمل .. انا قلت للدكتور اشرف اني مش هاقدر اجي لاني تعبانه واني مش هاشيل البوست لحد ماخد فلوسي .. لاني بحاول اجيب حقي الي بقالي ٣ سنين مش عارفه اجيبه”
وحرصت رحمة حسن على توجيه الشكر لكل من دعهما في أزمتها: “شكرا لكل حد اهتم .. بس انا حبيت اوضح ايه الي بيحصل .. وشكرا لكل الي ساعد والي بيحاول يساعد .. وللعلم انا لسه ماخدتش فلوسي برضوا .. شكرًا واخيرا .. لم ادلي باي تصريح صحفي ولست مسؤله عن اي كلام يكتب عن بالنيابه عني”.
View this post on Instagram