أشادت الفنانة الشابة رحمة أحمد، بموهبة وشخصية الفنان أحمد مكي، مشيرة إلى أنه ساعدها كثيرًا حتى تستطع أن تثبت جدراتها الفنية للجمهور.
وكتبت رحمة عبر حسابها الرسمي بموقع التواصل الاجتماعي “فيسبوك”: “انا مش عارفة اعبر ان احساسي بالامتنان ..الحمدلله والشكر لله اي حاجة حلوة حصلت او اتقالتلي ده كرم كبير اوي من ربنا يمكن اكبر من اللي استحقه.. عاوزة اقول ٣ نقط.”.
وأضافت: “الأولي وهفضل اقول البوقين دول كل ما حد يشاور النقطة دي ان فنانة زي دنيا سمير غانم لا تقارن بحد…انا مش حد خالص …انا من فانز دنيا سمير غانم..لان لو اتحطينا في مقارنة من المؤكد اني انا اللي هبقى خسرانة”.
رحمة أحمد: أحمد مكي بيدي مساحة للي قدامه.. وعنده اللي يكفيه وزيادة
وأردفت رحمة أحمد: “الثانية .. بعد توفيق ربنا .. ان فنان زي احمد مكي يدي مساحة لحد يقول حاجة مبتحصلش من اي فنان موجود عالساحة.. الراجل ده عنده اللي يكفيه وزيادة انه يسيب فنان قدامه يقول وهو سايب ايده.. مهما اتكلمت عنه مش هوفيه حقه فنيا ولا انسانيا.. المبدع احمد الجندي ميتخيرش عنه… يسيبك تقول..ويعليك..ويركبلك شغل ..وذكي يعرف يطلع ضحك من اي شخصية ويحطها في مكانها الصح”.
واستطردت: “الثالثة.. ليك انت يا حبيب قلبي..اخويا الكبير الداعم المستمر بكل الطرق…صادق في فرحته ..انا مهما حكيت عاللي عملته معايا عشان اوصل اني ابقا في عمل من اهم الاعمال في رمضان مش هكفي فيك كلام….شكرا أحمد أمين الاخ والفنان والانسان انك دايما جنبي”.
واختتمت: “احمد امين..احمد مكي..احمد الجندي.. انتو مكسب لاي فنان ولاي شخص وبشكر ربنا دايما ان ربنا كتبلي اني اعرفكو.. وشكرا لاي حد دعمني حتي لو بكلمة كويسة وبالاخص صلاح الدالي..فنان هياخد حقه كويس جدا ويستاهل اكتر بحبك يا صلوحة.. شكرا لاي حد وقف جنبي واللي اداني ضهره وربنا لاوريك”.
مسلسل الكبير أوي 6
ومن جانبه تصدر مسلسل “الكبير أوي” في موسمه السادس قائمة المسلسلات الكوميدية في رمضان 2022، محيث أن أحداثه تدور في إطار كوميدي ممتع يجذب انتباه الجمهور.
وجديرًا بالذكر أن مسلسل “الكبير أوي 6” من بطولة أحمد مكي، بيومي فؤاد، هشام إسماعيل، محمد سلام، ليلى عز العرب، وتم استبدال الفنانة دنيا سمير غانم بالفنانة ورحمة أحمد، وتأليف وإشراف عام على السيناريو والحوار مصطفى صقر ومحمد عز الدين، إنتاج تامر مرسي، إخراج أحمد الجندي.