كشفت الفنانة رحاب الجمل أسرار عن حياتها الشخصية وعلاقتها بزوجها وسبب تسميتها له بـ مؤسسة، بجانب حديثها عن مساندة الفنانة فيفي عبده لها في وفاة شقيقتها برديس.
وقالت رحاب الجمل خلال تصريحات تليفزيونية: «أختي برديس توفت عندها 21 سنة في حادثة عربية، وكنت نايمة، ولما عرفت خبر وفاتها من أختي، لقيت نفسي بطلب فيفي عبده، وكانت في لبنان قولتلها أنتي أختي الكبيرة وأكتر واحدة بتنقذني في الكوارث».
وتابعت رحاب الجمل: «كلمتني وقالتلي عزة بنتي هتكون عندك دلوقتي حالًا، وأنا جاية ليكي وهحجز أول طيارة، وعزة بنتها جت، وكان معاها الكفن داخله بيه».
وقالت عن علاقتها بالسوشيال ميديا: «علاقتي بالسوشيال ميديا 0 من 10، وبشتم الناس اللي بتشتمني، وبحب نفسي زي ما أنا.. مش عايزه أغير حاجه فيا، وبحب عصبيتي وكل حاجة».
وتحدثت رحاب عن سبب تسميتها لزوجها بـ لقب مؤسسة: «بقول لجوزي وحش ومؤسسة، وبقوله كده عشان باخد رأيه وصحابة في شغلنا، وهو ربنا مسّخره لحوائج الناس وبيساعد كل اللي حواليه بالفكرة والنصيحة، وأنا زوجة طول الوقت بحاول أكون كويسة».