كشفت الفنانة رانيا يوسف، بعض ملامح الجزء الخامس من مسلسل «الآنسة فرح»، الذي يعرض حاليًا عبر منصة شاهدة وقناة mbc4، مرجحة احتمالية التحضير لجزء سادس من المسلسل.
وقالت رانيا خلال لقاءها ببرنامج “Trending”: “مش عاوزة احرق الاحداث، لكن ممكن اقول ان ديدا في الجزء الخامس ببتعرض لازمة صحية شديدة، بتبينلها حقيقة الناس اللي حواليها، كابتن ماجد، بينتها، امها”.
وأردفت: “والحمد لله بقى فيه جمهور لمسلسل الآنسة فرح، الناس ارتبطت بيه وحبته وفهمته، وبقى مسلسل عائلي اكتر، يعني الاطفال والكبار بيتفرجوا عليه، وبيعمل مود حلو وحالة فرفشة لطيفة”.
وتابعت: “مبسوطة من التجربة، ومبسطوة انها نجحت، لأن عادة المسلسلات اللي بتتعمل تاني وتالت وكدا غالبًا مبينجحوش كتير، لكن الحمد لله احنا دلوقتي في الموسم الخامس وناجحين، وتوب”.
واختتمت: “ولغاية دلوقتي فيه كلام على جزء سادس من المسلسل، فالعمل الاصلي كمان ليه جزء سادس”.
View this post on Instagram
شخصية رانيا يوسف في مسلسل “عالم تاني”
من جانبها، كشفت الفنانة رانيا يوسف، تفاصيل شخصيتها في مسلسل “عالم تاني”، الذي كان من المقرر طرحه في الماراثون الرمضاني الماضي 2022.
وقالت رانيا خلال لقاءها مع برنامج “Trending”: “قصة عازفة بيانو، قصة اجتماعية رومانسية، فيها اكشن شوية، وروحانية كتير، وبنشوف ان المزيكا ذي ما هي غذاء للروح فهي كمان فيها روحانيات عالية اوي، وبنشوف من خلال المزيكا أحداث المسلسل”.
والجدير بالذكر أن مسلسل “عالم تاني” من بطولة رانيا يوسف، نضال الشافعي، والفنان فراس سعيد، والفنانة فريال يوسف، والفنان تميم عبده، والفنانة إلهام عبد البديع، من تأليف إسلام يوسف، وإخراج عبد العزيز حشاد.