كان المطرب اللبناني راغب علامة ضيف أولى حلقات برنامج الفنانة أنغام الجديد، وتحدث خلال الحلقة عن كواليس تلحين أغنية ياريت فيي أخبيها، وتفاصيل عن مسيرته الفنية.
قال راغب علامة عن كواليس تلحينه لأغنيته ياريت فيي أخبيها:” ياريت في أخبيها لحنتها وأنا نايم، كان معايا الكلام، والشاعر كان مصر إني ألحن، قولتله مش بلحن، قالي أنت شخصيتك لازم تلحن، فحاولت، وابتديت ألحن، وكان معايا شريط صغير، وأسجل وكنت أروح أسمع، وتاني يوم نفس الموضوع”.
وتابع: “لغاية في يوم بقبرص، وبقيت خجول من الشاعر علشان معرفتنش ألحن لفترة، روحت نمت وأنا متضايق، صحيت لحنتها وغنيتها وأنا نايم على المخدة بالمزيكا، وسجلت على طول وعملت كل حاجة، ومكنتش عايز أكسفه وأكسف نفسي، ومكنتش بفكر في التلحين، والشاعر جابلي أغنية تانيه علشان ألحنها، وقلبي عشقها من أكتر الأغاني اللي عاشت ومش بتموت، ولحنتها في ثواني، وكانت كلماتها مختلفة”.
واختتم راغب علامة حديثه: “أنا كل حاجة في حياتي بسيطة، وربنا مديني حاجات في صوتي هي البساطة الصعبة، ومش بتتقلد، ومحدش بيعرف يقلدها، وبتصرف في حياتي بكل بساطة، البساطة هي الجمال في الحياة”.