أعلنت الفنانة دوللي شاهين عن داخل علاقة حب في حاليًا، بالإضافة لحديثها عن رأيها في دخول ابنتها المجال الفني، مشيرة أنها لن تمنعها من دخول الوسط الفني ولكن العمل به صعب جدا.
وقالت دوللي شاهين في تصريحات تلفزيونية لها: أنا هدعم بنتي في أي حاجة هي عايزاها وأنا بغير عليها جدًا ولكني ست عقلانية، مقدرش أمنعها من حاجة محدش قدر يمنعني منها يعني بابا وجبروته ده كله مقدرش يمنعني، أنا حاولت أنتحر كذا مرة والموت أهون عندي ولكن محدش يحدد مستقبلي، فمينفعش أجي دلوقتي بعد العمر ده كله أتحكم في مستقبل بنتي.
وأشارت دوللي شاهين: هي لو عايزة تبقى ممثلة أنا مش همنعها لأن محدش عرف يمنعني، ولكن أنا محبش إنها تدخل الوسط الفني لأنه تعب وشقى وعذاب ومش هيبقى عندها ضهر زي ما أنا معنديش ضهر ومعنديش حد يدعمني، وساعات بقعد من غير شغل علشان الوسط والشلالية، وده اللي بقوله لبنتي.
وأضافت دوللي شاهين: بعيش دلوقتي قصة حب، والحب حاجة جميلة ولكن اللي يقدر قيمة الحب، إحنا بنسعى طول الوقت للحب الحقيقي ولما بنلاقيه مش بنتعامل معاه صح، وأنا بؤمن بالحب الزيادة وأن الحب أهم من أي حاجة في الدنيا، ولغاية دلوقتي مقتنعة أن لسة في أمل في الحب.
كما علقت دوللي شاهين على مصطلح السينما النظيفة، قائلًة: مفيش حاجة اسمها سينما نظيفة، مفيش أنضف من سعاد حسني وهند رستم ومش هييجي أشطر منهم، وياريت كنت اتولدت في الزمن الجميل ده.