كشف الفنان خالد محمود سبب رفضه مشاهد القبلات في الأعمال الفنية.
وأوضح خالد محمود سبب رفضه مشاهد القبلات، قائلا: «أنا ضد البوس في الأفلام عشان مغضبش ربنا، واللي يخلي مراته تتباس في السينما يتحمل».
وأضاف خالد محمود لـ ياسمين عز: «أنا عمري ما تدخلت في حياة حد وكل واحد مسئول عن اختياراته وبالبلدي كل واحد عقله في رأسه يعرف خلاصه، وأنا مش هعدل على واحد أو واحدة خدت قرار في حياتها وشايفينه صح».
وقال خالد محمود لـ ياسمين عز إنه رفض تقديم مشهد قبلة في أحد أفلامه خوفا من تحمل ذنب المشاهد.
وواصل خالد محمود كلامه لـ ياسمين عز: «أنا مؤمن بالسينما النظيفة تماما، وأنا تعرضت لها في أحد الأفلام أن المخرج كان عايزني أبوس البطلة، فسألته إيه لازمة البوسة؟ أنت ممكن تعوض المشهد بالكاميرا بطريقة معينة، وهو كان مصر وأنا رفضت تماما والحمد لله صورنا من غير المشهد، وقولتله في النهاية المشهد مش هيضيف وبلاش تخليني ألعب على الغرائز وأشيل ذنب ووزر حد في حاجة حرام».